ചൊവ്വയിലെ നഗ്ന സ്ത്രീ രൂപം തെറ്റിദ്ധരിപ്പയ്ക്കുന്നു

ലണ്ടന്‍ ‍: ചൊവ്വ ഗ്രഹത്തില്‍ ജീവന്‍ മാത്രമല്ല, മനുഷ്യരുമുണ്ടോ? അമേരിക്കന്‍ ബഹിരാകാശ ഏജന്‍സിയായ നാസയുടെ ചിത്രം കണ്ടവര്‍ക്കാണ്‌ ഈ സംശയം ഉണ്ടായിട്ടുള്ളത്‌.ചൊവ്വയിലെ ഒരു മലയടിവാരത്ത്‌ കൈകള്‍ പൊക്കിയിരിക്കുന്ന നഗ്നയായ സ്‌ത്രീയുടെ രൂപമാണ്‌ ആളുകളെ തെറ്റിദ്ധരിപ്പിയ്ക്കുന്നത്.നാസയുടെ ചൊവ്വ പര്യവേഷണ വാഹനമായ മാഴ്‌സ്‌ എക്‌സ്‌പ്ലോറര്‍ ഭൂമിയിലേക്ക്‌ അയച്ച ചിത്രത്തിലാണ്‌ സ്‌ത്രീയുടെ രൂപം കാണാനാവുക.ചിത്രം കണ്ട ആരോ ഇന്റര്‍നെറ്റിലൂടെ ചൊവ്വയില്‍ അന്യഗ്രഹ ജീവികളെ കണ്ടെത്തിയെന്ന്‌ അവകാശപ്പെട്ടതോടെ ചിത്രം ജനശ്രദ്ധയാകര്‍ഷിക്കുകയായിരുന്നു.ചൊവ്വയില്‍ മേഘവും മഞ്ഞും കണ്ടെത്തിയെന്ന ഫ്രഞ്ച്‌ ഗവേഷകരുടെ അവകാശ വാദത്തിനു തൊട്ടു പിന്നാലെ ചൊവ്വയിലെ സ്‌ത്രീ രൂപത്തിന്റെ വാര്‍ത്ത വന്നത്‌ ചിത്രത്തിന്റെ പ്രചാരത്തിനും വഴിയൊരുക്കിയിട്ടുണ്ട്‌.ചിത്രത്തെക്കുറിച്ച്‌ നാസ ഔദ്യോഗിക വിശദീകരണങ്ങള്‍ നല്‌കിയിട്ടില്ലെങ്കിലും ചിത്രത്തിലെ രൂപം പാറയോ അല്ലെങ്കില്‍ അതു പോലെയെന്തെങ്കിലുമാകാമെന്നാണ്‌ കരുതപ്പെടുന്നത്